CAGAYAN DE ORO CITY – Gitin-aw ni Sen Christopher ‘Bong’ Go nga naniguro lang si Pres Rodrigo Duterte nga dili malugi ang gobyerno sa mga gisudlan nga transaksyon hinungdan temporaryong gipahunong niini ang tanang legal gambling games sa Philippine Charity Sweepstakes Office o PCSO sa nasud.
Gibutyag ni Go nga gi-rebyo g gipa-imbestigaran ni Duterte ang tanang transaksyon nga gisudlan sa ahensiya aron mahibal-an kon unsa na ka-grabe ang kurapsyon sulod niini.
Samtang gihupay ni Go ang kabalaka sa publiko sa posibilidad nga maapektuhan ang Malasakit program sa PCSO nunot sa kamanduan ni Duterte nga ipahunong ang tanang legal gambling games niini.
Miingon si Go nga nakaggahin na ang pondo nga itabang sa PCSO alang sa mga kabus sulod ning tuiga.
Samtang gitin-aw usab niini nga dili siya makahatag kompirmasyon kon adunay mga opisyal sa PCSO ang langkaton sa puwesto ni Duterte nunot na sa alegasyon nga kurapsiyon.
