Dismayado si Senador Imee Marcos sa napalugwa nga partial report sa Senate Blue Ribbon Committee kalabot sa flood control corruption scandal sa Department of Public Works and Highways (DPWH).
Sa exclusive interview sa Bombo Radyo,mi-ingon ang senador nga “big fish” ang iyang gilauman nga mga ngalan nga mugawas sa report ug wala man lang nasulat ang ngalan nila kanhi Speaker Martin Romualdez ug uban pa.
Gani, mayorya sa mga senador nga nakadawat sa report ang mikuwestiyon kung nganong walay natumbok nga mastermind ug daw magsilbing kining kataw-anan oras nga mapadayag ang report sa publiko.
Una niini, mismo si Senate Pro Tempore ug Blue Ribbon Committee Chairman Panfilo Lacson ang mibatbat nga walay “ultimate mastermind” sa pangangurakot sa kwarta sa flood control project kay daghan man sila nalambigit sa pagbahin-bahin.
