Pinaagi sa pakighinabi sa radyo, gibutyag ni Senador Panfilo Lacson nga adunay opisyal sa Department of Public Works and Highways (DPWH) nga mitawag sa staff ni Senador Vicente Sotto III aron pangayuon og mga proyekto nga isingit (budegt insertions) sa 2026 National Expenditure Program (NEP).
Gibulgar ni Lacson ang giingong opisyal nga si Undersecretary Maria Catalina Cabral, nga kasamtangang Undersecretary for Planning, Public-Private Partnership, ug Information Management Services sa DPWH.
“Sasabihin ko na, si ‘Undersecretary Cabral’ daw ang tumawag sa kanyang (Sotto) staff at sinabing magsingit kayo dito ng gusto n’yong isingit. E di wala na. Kung isa si Sen. Sotto na in-offer-an, sino pa ang na-offer-an ng ganoon at sino ang nag-submit?” matod pa ni Lacson.
Si Sotto mitug-an nga iyang gibasura tanyag tungod sa ilang baruganan alang sa transparency ug maayong pamalaod.
Gikwestyon ni Lacson kung pila pa ka mga miyembro sa Kongreso ang posibleng gitanyagan ug nakapasa sa mga proyekto nga wala’y klarong detalye, lakip na ang kapin sa 660 ka identical nga P100-million nga entries nga walay lokasyon o deskripsyon.
