CAGAYAN DE ORO CITY – Giampo sa katawhan ang dinalian nga pag-rekober ni Sen Juan Miguel Zubiri sa Bukidnon.
Kini human nakurat ug nabalaka ang katawhan sa pagpositibo ni Zubiri sa coronavirus disease bisan kon giunsa niini paglikay sa miaging mga adlaw.
Miingon si Bukidnon Provincial Govt spokesperson Hansel Echavez nga hinoon anaa sa maayo nga kahimtang ang senador samtang nagpaubos sa self-quarantine sa iyang pinuy-anan didto sa kauluhan.
Gani,nag-self quarantine na usab si Bukidnon Gov Jose Maria Zubiri sugod kagahapong adlawa.
Samtang angay kuhaa’g panag-ignan ang sensiridad ni Zubiri diin gitug-an niya sa publiko nga positibo kini sa coronavirus disease.
Kini human nakadayeg ang Dept of Health o DoH-10 kang Zubiri tungod sa paghatag alerto sa katawhan kon unsay angay buhaton kon dunay positibo nga bayrus ang panglawas.
Miingon si Dr Maria Ellen Santua,devt officer sa DoH-10 nga talagsaon ang gawi ni Zubiri kay gitug-an sa publiko ang iyang tinud-anay nga kahimtang.
Una niini,mismo ang senador ang nag-post sa iyang Facebook account sa iyang pagka-positibo sa bayrus human pahibal-a sa DoH-Manila.
