Gihagit ni Senator-judge Robin Padilla ang prosekusyon nga susihon usab ang kinabuhi sa mga magbabalaod sa Kamara, partikular na ang matud pa nanag-iya og mga mahalong sakyanan nga nagkantidad og 16 milyon pesos hangtud 22 milyon pesos.
Gipagawas ni Padilla ang maong pahayag human sa pagtuki sa prosekusyon sa pagpalit ni Atty. Manases “Mans” Carpio, bana ni Vice President Sara Duterte, og mga sapatos nga nagkantidad og 256,882 pesos sa Malaysia.
Nahimong kabahin sa mga pangutana ang hisgutanan sa simpleng pagkinabuhi nga gilauman sa mga opisyal sa kagamhanan, subay sa gitakda sa Konstitusyon.
Sa tunga-tunga sa panagbayloay og mga pahayag, giukuwestiyon ni Padilla kung ngano nakatutok ang pagtagad sa maong pagpalit sa sapatos samtang aduna usab mga magbabalaod nga gagamit og mga sakyanang nagkantidad og minilyon ka pesos.
Gipaambit usab sa senador nga nigastos kini bag-ohay lang og gibana-banang 900,000, lakip ang tabang nga gitunol niya ngadto sa mnga biktima sa pagpamusil sa Tacloban ug South Cotabato.
Dugtong niini, gipamugos sa Senador nga kinahanglan mahimong patas ang pagsusi sa kinabuhi ug paggasto sa mga opisyal sa kagamhanan, bisan unsa pa man ang ilang posisyon. (raniel mahunyag)
