Wala gipakyas sa grupo sa mga kabatan-unan sila Senador Francis Pangilinan ug Risa Hontiveros, sa gipahigayong public consultation sa ipatuman nga Anti-Political Dynasty Law sa Pilipinas.
Ang konsultasyon, gipahigayon sa Xavier University Gym, kundiin ang sesyon gipangulohan ni Senador Hontiveros, ang chairperson sa Senate Committee on Electoral Reforms and People’s Participation, kuyog ni Pangilinan, ang co-author sa sugyot balaudnon.
Lakip sa mitambong ang mga civil society groups, representante sa business sector, academe, ug mga stakeholders kundiin sila mipadayag sa ilang opinyon ug mituki sa mga pangutana nga nakapabalaka kanila kung kini ma-implementar pohon.
Ang diskusyon nagpukos sa pag-ila sa “familial relationships” nga sakop sa balaod.
Dinhi masuta kung pila ka degree sa kaliwatan o kadugo ang angaya i-ban sa pagdagan o pag-hupot sa public office.
Namahayag si Pangilinan ug Hontiveros nga dugay na nilang gipanawagan nga kini matuman aron walay pamilya nga pulos politiko ang maghari sa usa ka lugar ug kanunay walay tsansa ang pipila ka indibidwal nga makapapili kay hawod man ang mga political dynasties sa Pilipinas.
Alang sa duruha ang demokrasyang nasud sama sa Pilipinas, nagkinahanglan sa daghang boses aron madungog ang ilang mga opinyon sa ilang gihingusgan nga Kontra Dinastiya Bill
