CAGAYAN DE ORO CITY-Lig-on ug midaghan pa ang miembro nga nagpasakop sa PDP-Laban party nga kasamtangang gipanguluhan ni Pres Rodrigo Duterte.
Kini maoy tubag ni kanhi Senate President Koko Pimentel sa batikos nga nadawat niini sa PDP-Laban faction nga gipanguluhan usab ni Atty Rogelio Garcia.
Miingon si Pimentel nga pinaagi sa pagsilbing chairman ni Duterte sa partido nahimong doble ang ihap sa mga nagpasakop sa partido.
Si Pimentel ang unang nagbahad nga kasuhan si Garcia tungod sa pagpaila nga bag-ong presidente sa partido PDP-Laban.
Samtang dili sibugan ni Atty Garcia ang bahad sa kanhi Senate President nga sila kasuhan.
Kini human unang naglusad sa annual assembly ang libuang sumusunod ni Garcia diin nagpili sila’g bag-ong mga opisyal nga naghulip kang Pimentel isip presidente sa partido.
Miingon si Garcia nga atubangon nila ang reklamo nga ipasaka ni Pimentel kon hisgutan ang legalidad sa gihimo nila nga paghulip kang Pimentel ug kanhi House Speaker Pantaleon Alvarez.
