Dili ma-imagine ni kanhi CDO City Mayor ug Xavier University Law Professor Atty. Oscar Moreno nga ang Senado mahimong deadlock, o wala nay session ug wala nay discussion.
Bisan pa sa kasamtangang sitwasyon diin 11 na ang ihap sa majority ug 11 usab ang sa minority, gipasabot ni Atty. Moreno nga ang minoriya adunay krusyal nga papel sa pag-fiscalize sa atong demokrasya.
Hinuon, gipahinumdoman niya nga dili kini lisensya alang sa mayoriya nga ipugos ang ilang gusto pinaagi sa pagbaliwala sa mga lagda sa Senado.
siya miingon nga imbes nga magsige sa ad hominem o personal nga mga atake ang duha ka kampo, mas maayo unta nga magpabilin ang respeto ug propesyonalismo taliwala sa mga magbabalaod.
Tungod niini, naglaom ang kanhi mayor nga likayan sa mga senador ang mga inistoryahan nga dili angayan madungog sa maong institusyon aron dili madaut ang ilang pagserbisyo sa katawhan.
