Namahayag si Senate President Vicente “Tito” Sotto III nga obligasyon sa Senado nga otomatikong mag-convene isip impeachment court sa higayon nga madawat niini ang Articles of Impeachment batok kang Bise Presidente Sara Duterte.
Gibutyag ni Sotto nga klaro ang gisulti sa Konstitusyon bahin sa papel sa Senado sa ingon nga proseso.
Gipasabot sa Senate President nga dili mahimo nga ipalangan-langan o pugngan ang pag-convene sa Senado tungod kay kini usa ka konstitusyunal nga katungdanan.
Samtang, mas sayo nga giingon ni Senador Robin Padilla nga posible nga babag-on ang pag-convene sa Senado isip impeachment court, apan gipasabot sa pipila ka miyembro sa minorya nga wala pa’y pormal nga panag-istorya kabahin niini.
