CAGAYAN DE ORO CITY, Philippines – Emosyonal nga gisaysay ni actor Niño Muhlach kung gi-unsa pagharas sa duha ka bay-ot ang iyang batan-ong anak nga si Sandro Muhlach.
Gihimo sa amahan ang pagtug-an atubangan sa gilusad nga hearing sa senado, batok sa duha ka independent contractors nga nanarbaho sa GMA Network.
Kagahapon, pinaagi sa mosyon ni Senate President Pro Tempore Jinggoy Estrada, gilugwa ang subpoena batok nila Jojo Nones ug Richard Cruz.
Hisayran nga ang hearing gipanguluhan sa komite ni Senador Robin Padilla ang Senate panel on public information and mass media.
Lakip sa mitambong sa pagdungog ang actor-turned politician nga si Bong Revilla Jr.
Sa pikas bahin, gi-abisohan ni National Bureau of Investigation’s Chief of Public Corrupt Division Atty. Marie Catherine Nolasco-Ilescas, ang anak sa aktor nga limitahan ang pagtubag sa pangutana sa media samtang naglihok ang imbestigasyon sa iyang kaso.
