Gibutyag ni Senate President Vicente “Tito” Sotto III nga posible nga mo-convene dayon ang Senado isip impeachment court pagsugod sa Mayo 4, 2026 kon mahatag na sa House of Representatives ang articles of impeachment batok kang Bise Presidente Sara Duterte.
Matod ni Sotto, sa Mayo 4 magsugod usab ang sesyon sa Kongreso ug teknikal nga posible nga makalihok dayon ang Senado.
Gi-insistir usab ni Sotto nga dali nilang aksyonan ang impeachment complaints sa oras nga madawat kini ug ipasa sa Senate Committee on Rules alang sa hustong proseso.
Apan iyang giklaro nga ang sunod nga lakang anaa gihapon sa Kamarabaha, nga kinahanglan pa makakita sa probable cause batok sa Bise Presidente samtang duha pa ka hearing ang gikatakda sa House Committee on Justice nga naglakip sa alegasyon sa graft and corruption, sayop nga paggamit sa confidential funds, ug betrayal of public trust. (phillip ariata)
