Gipamugos ni Senador Ronald “Bato” Dela Rosa nga ang imbestigasyon sa anomalosong flood control projects kinahanglan ilakip ang mga proyekto nga gipahigayon sa panahon sa administrasyon ni kanhi Presidente Rodrigo Duterte.
Gihimo ni Dela Rosa ang pahayag dihang nalakmitan ni Sara Discaya sa Senate Blue Ribbon Committee nga nagsugod siya’g kuha sa mga proyekto gikan sa DPWH niadtong 2016, panahon sa Duterte administration.
Bisan pa nga kaalyado siya sa kahi presidente, gusto ni Dela Rosa masayran kung gi-unsa sa mga construction company ni Discaya ang pangawkaw sa salapi sa katawhan pinaagi sa pagtukod sa mga depektosong flood control.
Kini ang rason nga gusto ni DELA ROSA nga mahimong patas ang imbestigasyon aron mapapanubag ang kampo ni Discaya.
