Posibleng masuspenso ang suhulan ni Senator Ronald “Bato” Dela Rosa bisan pa wala siya mapasakahan sa ethics complaint. Kini ang opinyon ni Senador JV Ejercito human gisugyot ni Senate President Pro Tempore Panfilo “Ping” Lacson ang maong lakang. Gipasabot ni Ejercito nga desisyon sa Senate Minority Bloc ang pag-ilis kang Dela Rosa ug Senator Joel Villanueva isip mga miyembro sa ethics committee. Sa pikas bahin, gi-angkon ni Ejercito nga naka-abot na sa ilang impormasyon nga si kanhi senador Antonio Trillanes IV, nagpursiger nga mag-file sa kaso batok kang Dela Rosa isip checks and balances sa iyang responsibilidad sa gobyerno. Hisayran nga daghan ang naghulat nga makabalik sa sesyon si dela Rosa apan, gitoohan kining nagtagu-tago kay oras nga siya mupatim-aw, taas ang tsansa nga siya dakpon ug ilabog the Hague Netherlands, tungod sa pasiunang pahayag ni Ombudsman Jesus Crispin Remulla nga pormal nga paglugwa nalang ang gihulat ug prisohon na si Senador Bato sa ICC
