Nagpadayag sa iyang pagkadismaya si Senator-Judge Risa Hontiveros sa dili sigurado nga tubag ni Davao City Assessor Engr. Jaime Adalin sa dihang gipangutana kini kung nakaadto siya sa Beijing atol sa iyang biyahe sa China niadtong Enero 2026.
Tungod sa tubag ni Adalin nga murag nakaadto tingali sila sa maong dapit kay mipahayag ang Senador nga wala kini malipay sa ingong niining matang sa tinubagan ug gihatagan og gibug-aton nga seryoso ang ilang mga pangutana sa maong pagdungog.
Gipangutana usab ni Hontiveros ang mga tawo nga iyang nakauban sa maong biyahe.
Matud ni Adalin, lakip sa iyang nadumduman nga nakauban sa maong biyahe kay ang city engineer ug city treasurer.
Gipatin-aw sa assessor nga group travel ang maong biyahe ug dili siya ang nag-organisa niini.
Mahinumdoman nga gikumpirma ni Adalin sa unang pagpangutana nga niadto kini sa China niadtong Enero 25, 2026. (raniel mahunyag)
