Gidepensa ni Senador Imee Marcos ang pagpapili sa iyang igsoon nga si Presidente Ferdinand Marcos Jr isip presidente, ug ang iyang higala nga si Vice President Sara Duterte kinsa nagpapili isip bise presidente ubos sa bando sa UniTeam sa naglabay nga 2022 eleksyon.

Gipamugos sa senador nga nasayod siya sa tinood nga kalihukan sa UniTeam sukwahi sa gipasi-atab ni Ramil Madriaga, sa House Committee on Justice.

Gibutyag sa presidential sister nga ang orihinal nga plano mao unta nga si Duterte ang modagan sa pagka-presidente ug dili ang iyang igsoon nga si Marcos Jr.

Aron suportahan ang iyang pamahayag, gipakita usab ni Marcos ang giingong group chat sa Duterte-Marcos Camp nga nagpakita sa ilang mga plano sa eleksyon.