CAGAYAN DE ORO CITY, Philippines – Gipaagi nalang sa komedya ni Senador Imee Marcos ang hingpit nga pagkaguba sa maayong pagtinagdanay ni Presidente Bongbong Marcos ug Vice President Sara Duterte.
Miingon ang presidential sister nga nasayangan kini sa maayong working relation sa duruha, ug nagun-ob lang tungod sa mga “outside forces”.
Hinoon, gitataw sa senador nga nagpabiling “good friends” silang duruha sa bise presidente.
Gitapos ni Marcos ang iyang pamahayag pinaagi sa pag-awhag sa duha ka lider nga unahon ang panaghiusa sa nasud aron mas daghan silag matabangan nga mga molopyo sa Pilipinas.
