Masaligon si Senador Robin Padilla nga mapasar ang iyang baynte ka mga priority bills nga giduso sa unang semana sa pagbukas sa 20th Congress.
Sa exclusive interview sa Bombo Radyo kang Samira Gutoc, iyang gibutyag nga pipila sa iyang priority bills mao ang pag-amendar sa Indigenous Peoples Rights Act; Unified Halal Certification; pagmugna sa Muslim Prayer Room; Tag 150 pesos matag adlaw nga usbaw sa suhulan; pagwala sa Travel tax; dissolution of marriage, anti-political dynasty ug daghan pang uban.
Usa sa iyang gitutukan ang pagtabang sa mga IPs o mga indigents nga kanunay maulahi sa kalambuan.
Gusto sa senador nga amendaran ang Indigenous People’s Rights Act of 1997 (IPRA) aron mas maprotektahan ug mapalambo ang katungod sa mga nitibo alang sa ilang yutang kabilin.
Ang Senate Bill 2869 nga iyang gi-file nagtumong sa paghatag sa mas dako nga bahin sa kita gikan sa natural resources nga naa sa teritoryo sa mga Indigenous Peoples (IPs) ug Indigenous Cultural Communities (ICCs).
