Nagpa-drug test si Senador Juan Miguel Zubiri, kauban ang iyang 35 ka mga staff sulod senado, karong Lunes.
Si Zubiri namahayag nga gitinguha niya nga mahimong “drug free” ang senado, human mihungaw ang akusasyon nga adunay usa ka staff sa senador ang mihit-hit sa marijuana sulod sa pansayan sa senado.
Kaganina, gikuhaan sa ihi si Zubiri ug ang iyang staff sa gipahigayong drug test sa Senate Medical Bureau, kinsa gi-accredit sa paglusad sa drugtesting batok marijuana, shabu, ecstasy, opium, ug cocaine.
