Naghinaot si Atty. Angel Lim, ang kanhi provincial administrator, nga dili babagan ang ipahigayun nga mga hearing sa Blue Ribbon Committee sub-committee ilalom sa pagpangulo nila Senador Pia Cayetano ug Rodante Marcoleta.
Gipasiugda ni Atty. Lim nga legal ug lehitimo ang maong grupo sa ilang tinguha nga makapangita sa kamatuoran subay sa mandato sa konstitusyon.
Subay niini, nagtuo ang abogado nga ang maong mga pagdungog usa ka mahinungdanong kahigayonan aron madungog sa publiko ang mga nahibal an sa 18 ex-marines nga giingong adunay personal nga kahibalo sa mga isyu.
Bisan pa man og posible nga dunay mga sayop o bakak nga pamahayag nga mogawas, gipunting ni Atty. Lim nga angay hatagan og higayon ang proseso aron ang katawhan mismo ang makatimbang sa kamatuoran.
Tungod niini, dugang pa ni Atty. Lim nga ang katawhan dugay na nga nagpaabot ug uhaw sa kamatuoran, busa angayan gyud nga ipadayon ang mga hearing.
