Makalolooy!, mao kini ang panglantaw sa international observers sa kahimtang sa Pilipinas tungod sa sunod-sunod nga isyu sa politika sa nasud, sumala ni Jeany Rose Hayahay, usa ka lumad volunteer teacher.
Matud niini, ang bag-ohay nga mga panghitabo sa Senado nagmugna og impresyon sa kagubot ug kawalay klaro sa direksyon sa pipila ka institusyon sa gobyerno.
Dugang pa sa resource person, ang ingon ani nga sitwasyon posibleng makaapekto sa kredibilidad sa Pilipinas sa mata sa ubang nasod, ilabi na sa mga nagtan-aw sa political stability ug governance.
Gipasabot usab ni Hayahay nga kinahanglan mas lig-on ang disiplina ug responsibilidad sa mga opisyal aron malikayan ang negatibong interpretasyon sa international community.
Sa katapusan, nanawagan siya sa pagkahiusa ug mas taas nga lebel sa pagpakita og respeto sa mga institusyon aron mapreserbar ang integridad sa serbisyo publiko sa nasud.
