Gipadayag ni Atty. Rhobert Maestre, board of director sa IBP Misamis Oriental Chapter, nga dako ang posibilidad nga dili manghilabot ang Korte Suprema sa nagpadayong kagubot sa liderato sa Senado.
Matud pa ni Atty. Maestre, naglikay ang hudikatura sa pagresolbar sa maong isyu tungod kay giisip kini nga usa ka political question nga angay lang sulbaron sulod mismo sa hawanan sa Senado.
Samtang nagpadayon ang kalibog tali sa duha ka kampo, gipatin-aw sa abogado nga gikinahanglan ang ihap nga 13 ka mga senador aron makab-ot ang gikinahanglang majority sumala sa Konstitusyon.
Tungod niini, nagpabiling nag-atubang sa kawalay katin-awan ang mga empleyado sa Senado mahitungod sa kung kinsa gayod ang angay nilang sundon nga lider.
Sa pagkakaron, nagpaabot pa gihapon ang publiko og resolusyon niini nga bangi bisan pa man sa pagdumili sa Korte Suprema nga mopagawas og desisyon sa mga isyung may kalabotan sa politika.
