Nipis ang tsansa nga dunggon sa International Criminal Court (ICC) ang petisyon sa senado nga ipapauli sa Pilipinas si detained former president Rodrigo Roa Duterte.
Miingon si Law Professor Atty Proculo Sarmen nga ang Resolution No. 144 usa lang ka papel nga mahimong ibasura o ikonsiderar sa mga hurado sa ICC.
Nagtuo si Sarmen nga dyutay lang ang tsansa nga kini hatagan sa pagtagad kay miligid na ang pagproseso sa pagsang-at kaniyag kaso, ug kining mga kaso sobra ka bug-at.
Alang sa experto nagsilbi lang isip CEREMONIAL NOTICE ang senate resolution, kay gipamugos sa 15 ka mga nagpabor niini ang humanitarian condition sa pag-detenar sa mga tigulang ug anaa na sa ango-ango ang estado sa panghuna-huna sa akusado.
