CAGAYAN DE ORO CITY, Philippines – Mihatag ultimatum ang senado sa Philippine National Police tungod sa padayong kapakyasan nga masikop si suspended Bamban-Tarlac Mayor Alice Guo.
Mibahad si Senador Jinggoy Estrada nga kibhangan ang 2025 budget sa PNP tungod sa nangamote nga intelligence group sa kapulisan.
Hisayran nga nag-isyu sa Arrest Order ang senado, ubos sa Senate Committee on Women, Children, Family Relations and Gender Equality, batok Guo niadyong Hulyo 11, ug nasubli sa sunod semana, human pakyas ang PNP nga masilbi ang warrant of arrest sa puy-anan sa mayor.
Ang suspendidong mayor nag-atubang sa kasong pagpeke sa iyang identidad, ‘disobedience to summon’, ug patung-patong nga kasong kriminal tungod sa iyang kalambigitan sa ilegal nga Philippine Off-Shore Gaming Operations sa Bamban, Tarlac. Kagahapon, napasaka na sa Office of the Solicitor General (OSG) ang petition for quo warranto batok kang Guo.
