Pabilin nga magserbisyo sa katawhan apan dili na mudagan sa mas taas nga posisyon sa 2028 si Senator Robin Padilla subay sa katin-awan nga gipadayag sa opisina sa senador.
Sumala ni Samira Gutoc, usa sa mga hinungdan sa desisyon sa senador mao ang pagkadismaya niini sa kalangan sa gobyerno sa paghatag og pundo alang sa madrasa teachers nga nadelay na sulod sa pito ka bulan.
Bisan pa man niini, nagpabilin matod pa ang pagtabang sa senador pinaagi sa pagbisita sa mga lugar nga naigo sa kalamidad sama sa Pampanga ug Bulacan.
Dugang pa sa opisyal, padayon gihapon ang paglihok sa senador sa Senado taliwala sa hangyo sa publiko nga dili kini mobiya sa serbisyo.-
