CAGAYAN DE ORO CITY – Tahasan na sa Commission on Elections o Comelec sa ilang tagsa-tagsa ka obligasyon ang libuang mga pulis isip kabahin sa paghatag seguridad sa ilusad nga piliay sa Misamis Oriental sa Mayo 12.
Miingon si Misamis Oriental Provincial Election Supervisor Atty.Carlito Ravelo nga himoon ang simpli nga send-off ceremony sa puwersa alang sa lalawigan sa provincial headquarters sa Philippine National Police o PNP sa Villanueva ugmang adlawa.
Gibutyag ni Ravelo nga kabahin lang kini sa mga gimbuhaton alayon sa himoon nga preparasyon sa piliay sa lalawigan.
Siya miingon nga hinoon, sa 23 ka lungsod,duha ka component cities ug usa ka urbanized city nga sakop sa probinsya, walay bisan unsa nga red category nga area of concern nga nagkahulugan nga dili tanto peligro ang seguridad alang sa mga isigka-kandidato ug mismon mga botante.
Hisayrang sa syudad ug lalawigan,sobra sa 1.1 milyon ka rehistradong botante ang gilauman nga mobotar sa mga kandidato sa Mayo 12 nga piliay.
