CAGAYAN DE ORO CITY-Kasuhan sa pagbaligya’g gidiling droga ang Sendong survivor ug laing habal-habal driver sa piskalya ning syudad sunod semana.
Kini human naaresto sa magkalahi nga lugar sa kapolisan ang mga suspek atol sa anti-drug buy bust operation ning syudad.
Giila ni Divisoria Police Station commander Sr/Insp Glenn Abalde ang ilang dinakpan nga si Harry Quiblat,habal-habal driver nga nagpuyo sa Brgy Nazareth ning syudad.
Nakuhaan si Quiblat sa balor 5-mil pesos nga gitoohang shabu.Samtang,tingkagol usab sa mini-cell sa Bulua Police Station si Philip Ian Quinez,survivor sa bagyong Sendong ug nagpuyo sa Brgy Canitoan sa syudad.
Nakuha’ag sachets sa gitoohang shabu ang suspek hinungdan sa pakasikop niini.
Namugos ang suspek nga napugos kini pagbaligya’g shabu kay walay masudlan nga trabaho.
