CAGAYAN DE ORO CITY – Sa nabiling 22 ka adlaw sa dili pa ang BOMBO MEDICO 2019, usa ka senior citizen ang nagdonar sa tambal sa kasing kasing sa Bombo Radyo Cagayan de Oro.
Namahayag si Mrs. Edwina Manong nga gikan sa iyang anak ang mga tambal nga usa ka Overseas Filipino Workers sa Kingdom of Saudi Arabia.
Si Manong mi-angkon nga usa ka licensed Nurse ang iyang anak sa pinakadakung hospital sa centrong bahin sa Saudi.
Miingon sab ang ginang nga usa siya ka Bombo Diehard, busa nakahuna huna siyag donar sa tambal tungod kay nabati niya nga mahal na kaayo ang presyo sa mga tambal sa mga tawong dunay sakit sa kasing-kasing.
Hisayran nga nagmalipayon ni Ginang Manong human nahimong successful ang open heart surgery sa iyang bana didto sa St. Lukes Medical Center, sa kauluhan.
