CAGAYAN DE ORO CITY – Mag-atubang sa kasong pagpatay ang usa ka sibilyan nga responsable pagbunal gamit ang tubo sa kalalis niining silingang lalaki sa Purok 5,Poblacion,Libertad,Misamis Oriental.
Giila ni Libertad Municipal Police Station deputy commander Capt Jenny Relevo ang suspek nga si Agapito Pacquiao,53 anyos samtang ang biktima mao si Alfonso Ragmac,senior citizen nga pulos nagpuyo sa lugar.
Subay sa imbestigayon nga dugay nang nagkadumot ang duruha nga nasamutan sa subli panagbikil niini.
Nainit ang suspek kay nagsinggita ang biktima nga sila ipapahawa sa ilang gipuy-an.
Sa pagpalit sa suspek sa tindahan naghawid na’g tubo ang biktima hinungdan nga nagka-eskrema sila.
Apan nalupig ang biktima ug kini na ang nahiagom sa daghang bun-og gamit ang tubo nga nailog sa suspek.
Hinoon,bolunaryong mipakustodiya sa kapolisan ang suspek tungod sa hitabo.
