CAGAYAN DE ORO CITY-Patay ang 69 anyos nga lolo human nabanggaan sa color violet nga Toyota Vios sa Purok 7,Brgy Puerto ning syudad.
Giila ni PO2 Eldie Lumantas, imbestigador sa Puerto Police Station ang biktima nga si Ladeslao Benigay, 69-anyos, balo nga taga-Dapitan City.
Miingon si Lumantas nga mitabok sa kalsada ang biktima hinungdan nga nabanggan ug nagresulta sa kamatayon niini.
Gidala na ang patay’ng lawas sa biktima sa usa ka punerarya ning syudad.
Samtang padayon pang giimbestigaran ang hitabo ug gisuta ang identity sa misibat nga motorista.
