CAGAYAN DE ORO CITY-Patay ang senior citizen human mabangga-i sa naghaguros nga motorsiklo sa highway sa Barangay Dayawan,Villanueva,Misamis Oriental.
Giila ang namatay nga si Ernie Pabanggan,76 anyos nga nagpuyo sa maong dapit.
Pauli na ang biktima sa ilang pinuy-anan sa dihang nabanggaan sa wala mailang motorista.
Gidali pagdala sa Northern Mindanao Medical Center ang biktima apan paglabay sa pipila ka oras nabugtuan ra gihapon kini sa kinabuhi.
Nakaangkon sa mga bali ug samad sa kalawasan ang biktima hinungdan wala na maka-agwanta ug nakabsan.
Dugtong niini,gihangyo sa pamilya biktima ang driver sa motorsiklo nga nakabangga nga mopakita aron mahatagan hustisya ang nahitabo niini.
