CAGAYAN DE ORO CITY – Nakaplagang-patay ang senior citizen sa iyang panimalay sa Purok 7, Brgy. Talaba,Alubijid,Misamis Oriental.
Subay sa inisyal nga imbestigasyon nila Cpl. Suzimo Rayos sa Alubijid PNP, gituohan nga naghikog ang maong biktima tungod sa depresyon.
Una kini nakit-an sa iyang silingan nga si Brgy. Kapitan Reynan Oraura nga gabitay nga wala na’y kinabuhi gamit ang nylon nga gihigot niini sa iyang liog.
Giila ang biktima nga si Julito Galupan, 60 anyos, bulag sa asawa ug gainusara lamang niadtong higayona sa iyang panimalay.
Sa pagkakaron, gahulat pa ang Alubijid PNP sa ipagawas nga resulta sa Rural Health Unit aron masiguro nga wala’y foul play sa maong panghitabo.
