CAGAYAN DE ORO CITY – Dili una mahinayon ang pagdungog sa reklamo batok SK Federation President John Micheal Seno sa hawanan sa City Council ning syudad.
Kini may kalabutan sa reklamo ni alyas Ivy nga daw mihimo kaniya sa giingong sexual harassment si Seno batok kaniya pinaagi sa social media sa miaging Marso ning tuiga.
Gibutyag ni Kagawad Lordan Suan nga tungod sa kasilik-an sa panglawas ni Kag Edgar Cabanlas kinsa chairman sa committee of the whole,nabutang sa alanganin ang hearing.
Dugang ni Suan nga giingong wala usab tumana ni alyas Ivy ang gipangayo kaniya nga mga dokumento sa iyang reklamo batok Seno.
Una nang gipanghimakak nga dunay motibong sekswual ang iyang pag-mensahe niini kang alyas Ivy ilabina nga dili sila magkaila sa personal.
