(Update) CAGAYAN DE ORO CITY-Positibo karon ang mga govt prosecutor nga mahingpit mahukman ni Supreme Court chief Justice Maria Lourdes Sereno nga ibalhin ang pagdungog sa mga kasong maduso batok Maute gikan dinhi sa syudad padulong sa kauluhan.
Kini human inisyal nga miuyon sa hangyo ni Dept of Justice Sec Vitaliano Aguirre II si Sereno nga i-detain sa Bicutan City Jail ang mga suspek nga Maute samtang dunggon ang ilang kasong rebellion.
Gibutyag ni Regional State Prosecutor Merlynn Uy nga subli magtagbo si Sereno ug Aguirre aron tukion ang maong hangyo sulod ning adlawa.
Una nang misupak ang sektor sa mga negosyante,mga abogado ug sangguniang panlalawigan sa Misamis Oriental nga dinhi bilangguon ug dunggon ang mga kaso sa grupong Maute sa syudad.
