CAGAYAN DE ORO CITY – Nabulit sa pagsaway ug batikos ang ilado nga sakop sa LGBTQ+ nga si Jude Bacalso sa Cebu kagahapon sa kagabii.
Kini human nakuhaa’g hulagway sa nagpakabanang shopper nga si John Calderon ang gihimong pagpatindog ni Bacalso sa crew server sa Ulli’s Ayala Center Cebu sa duha ka oras kay nasipyat ug natawag siya nga ‘Sir.‘
Sumala sa post ni Calderon nga una nila nalabyan kuyog sa iyang inahan ang maong senaryo samtang nagsuroy-suroy sila diin wala una nila mahatagi sa pagtagad.
Apan sa ila nang pagbalik sa maong lokasyon, naikag na kining makisusi kon nganong nagtinduga gihapon ang maong crew ug gipangutana si Bacalso sa hitabo.
Nasuta ni Calderon nga nakahimo’g misgendered call ang server rason gikondisyonan ni Bacalso nga makalingkod o makabiya lamang sa iyang atubangan kon ma-ensakto ang pagtawag kaniya.
Gi-estorya usab niini ang server sulod sa staff room diin kini nakahilak sa hitabo ug daw nakasinati sa panic attack.
Nasayran ni Calderon nga nangayo na’g pasaylo ug pasensiya ang maong server ingon man kauban nila sa trabaho apan pabiling wala hatagi’g konsiderasyon.
Kini ang rason nga tungod sa dili maayong nasaksihan, mihimo’g pagsaysay pinaagi sa iyang social media si Calderon kay wala kini makaangay sa gidangatan sa maong server.
Gani,nanganti pa kini nga atubangon bisan asa sila mag-abot ni Bacalso.
”LONG POST ahead. This happened around 6 PM July 21, 2024.
Hello! Ikaw ba to ang nagpabarog og empleyado sa Ulli’s Ayala Center Cebu for two (2) hours because this server from Ulli’s called you “Sir”? My memory was so clear kay nanuroy me sa akong mommy since 4 PM sa Ayala Center Cebu then ninaog me sa elevator near Leylam then we saw this employee doing parade rest since 6 PM. I really thought tag-iya ka and you were just discussing things with the employee so we shrugged it off then continue roaming around sa Ayala. Wala jud ko nahimutang and I told my mom that it has been nearly 2 hours ingon ato ang pose sa server facing this guy namely Jude Bacalso. So ni-interfere ko and asked this guy Jude unsay nahitabo if tag-iya ba sya or customer. The guy Jude sarcastically said na “Go ask him (referring to the server) what happened.” Then I asked the server unsay nahitabo and ingon sha “Natawag nako shag sir.” then gibira nako ang server ngadto sa ilang staff room then this server broke down into tears and mura shag ga panic attack.At that time, naay customers dining in and clearly saw that this server was standing for 2 hours but no one was even curious to know why and what happened. The other employees sa Ulli’s already tried to console in behalf sa server but this guy Jude won’t leave the server because of the sole reason that the server misgendered the guy Jude Bacalso. Matod pa daw aning Jude is naa shay pangutana sa server na dili matubag sa server and this guy Jude said na “Aw you will be standing there until makatubag ka sa akong pangutana.” Idk the exact question was but should be related sa pronouns and being misgendered. For context, nag sorry nani ang server as well as the employees to this guy Jude and wala japun niya lung.i ang server. There were no managers around sa Ulli’s Ayala Center Cebu and some of the employees nanghilak nalang kay wa silay mabuhay.Og wala me maabot sa akong mommy ngadto og wala me mu interfere, dili jud mahunong og barog kaning server facing this guy Jude Bacalso. Let me ask you—kinsa ka nga magpabarog og tawo just because of that mistake? Wala kay katungod mu treat og mga tawo sama sa imong gibuhat sa server na gipabarog nmo atubangan pajud sa imo for 2 hours. Daghan tawo nangagi sa Ulli’s imagine duol na sa entrance/exit. Bisan kinsa pa na ma-pobre or ma-datu wa kay katungod mu ingon ana kay tawo rana. Ikaw mismo kahibaw ka og asa ka gasugod dili ta mag hinilas. Wala lang jud ko naka video kay focus ko sa server na gahilak.Also, you voicing for LGBTQ? For that mere mistake sa server, is that how you want to influence? Part ko sa LGBT myself and you bring shame sa atong community na grabe ka nakayatak sa katungod sa tawo. I am calling you out and you being held accountable sa imong actions.Bisag asa ta mag-abot di tika atrasan. Kalit raman kag kawala on where you were seated, you should be there to address that. (FB post ni John Calderon).”
Samtang sa post usab ni Balcaso,nakurat kini nga nasumsumnan na sa social media ang nahusay na nga eksena.
Siya miingon nga tinood nga natawag kini nga ‘Sir’.
Apan dili na bag-o kaniya kay bisan sa iyang mga pag-umangkon o sulod sa klase niini, buhaton kini sa kaugalingong mga pag-umangkon ug mga tinun-an.
Gikompirmar hinoon niini nga naabatan sila’g pila ka oras kay gihulat nila nga moabot ang supervisor aron makab-ot na ang panaghusay.
Misugyot pa kini nga angay dunay gender education nga giuyunan daw sa supervisor aron magmatngon ang ilang store servers ug kalikayan ang dili pagsinabot.
Sa pikas bahin, gipasalig sa tigdumala sa Ulli’s Ayala Center Cebu nga gilayong gi-aksyonan ang nahitabo sa ilang empleyado.
Sumala sa ilang gilugwa nga pahayag, gibuhat nila ang angayan aron mapaabot ang kinahanglang suporta sa ilang empleyado ug mohimo’g pag-edukar pag-abot sa isyu sa gender sensitivity.
Gipasalig usab sa tigdumala nga matmangon sila sa tanang panahon aron kalikayan ang susamang eksena.
Hisayrang bisan ang tigdumala sa maong patigayon,wala palabya sa social media netizens ug nakatilaw sa pagbatikos kon nganong gipasagdan ang ilang empleyado nga mabutang kahasol ug dakong kaulawon.
