Gisugdan na sa mga transport cooperative sa Cagayan de Oro ang pag-avail sa service contracting program sa gobyerno, sumala ni LTFRB Region 10 Director Aljo Bendijo.
Matod niya, sakop sa maong programa ang modern jeepney ug UV Express nga adunay balidong prangkisa ug rehistrado sa LTFRB.
Dugang pa niya, ang sistema naglakip sa takdang ruta ug biyahe diin ang gobyerno maoy mobayad base sa kilometro ug operasyon sa mga unit nga mosunod sa mga lagda.
Giingon usab ni Bendijo nga kinahanglan ang mga kooperatiba adunay valid franchise, rehistro sa sakyanan, bank account ug GPS tracking system aron makaapil sa programa.
Gipasiugda usab niya nga makabenepisyo ang mga pasahero pinaagi sa diskwento samtang masiguro ang lig-on ug organisadong transport system sa syudad.
