Estrikto ug gipahugtan sa kapulisan ang seguridad sa tanang terminals, pantalan, ug tugpahanan sa Cagayan de Oro batok sa mga kawatan gikan karong Undas hangtod na sa pag-abot sa Pasko.
Gibutyag ni City Councilor Roger Abaday, Chairman sa Committee on Police, Fire, and Public Safety, nga gipwesto na ang mga undercover ug naka-unipormeng pulis sa Agora, Westbound Terminal sa Bulua, ug mga sakayan aron gukdon ang mga nagpahimulos nga kriminal.
Gipasabot sa konsehal nga tungod sa pagdagsa sa liboan ka pasahero, mas gisentro sa mga otoridad ang pagsumpo sa mga modus sa pagpangawat sa matag dapit.
Busa, nanawagan ang buhatan sa publiko nga magmatngon ug mag-amping gyud sa ilang mga gamit aron dili mahimong biktima sa kadalanan.
