Gikumpirma sa exorcist sa Archdiocese of Cagayan de Oro nga ang natala nga mga kaso sa pag-hikog, pagpamusil, ug ang pagpang-atake sa demonyo sa mga estudyante sa mga eskwelahan sa rehiyon dili lang puros psychological kundi simptoma sa dautang espiritu.
Gibutyag ni Fr. Jun Balsamo Jr. nga ang kakulang sa pagtagad sa pamilya ug ang pagpa-tambal sa mga albularyo ug quack doctors ang mas nag-abli sa pultahan aron mosulod ang demonyo sa usa ka tawo.
Gipasabot sa pari nga kung adunay mabatyagan nga kalit nga kausaban sa gawi, duha ra ka institusyon ang kinahanglang adtoan sa publiko: ang siyensya pinaagi sa mga doktor ug ang pagtoo pinaagi sa Simbahan.
Gi-awhag sa simbahan ang katawhan nga ibalik ang kumpisal ug pagsimba aron mapanalipdan ang matag usa batok sa dautang elemento.
