CAGAYAN DE ORO CITY-Gisaway sa nagdumala sa Seven Seas Water Park and Resort ang DENR kon nganong daw na ‘single out’ sila sa pagkaso sa DENR sa Court of Appeals o CA.
Kini human tuyo sa DENR nga wad-an sa bili ang mando sa lower court nga naghatag titulo sa 50 ektarya sa yuta nga kabahin sa gitukuran sa resort diha sa Opol,Misamis Oriental.
Namugos si Engr Elpidio Paras,tag-iya sa resort nga nahatagan sila sa environmental compliance certificate o ECC tuig 2014 pa aron matukod ang world class resort.
Nanganti si Paras nga dili makapugong sa pag-alagad sa publiko ang kaso nga giduso sa DENR tungod lamang diktar sa usa ka grupo nga tuyo moilog sa gi-okupahan nila nga yuta.
Una niini,namugos ang DENR-10 nga ‘timberland’ o iya sa gobierno ang maong lugar.
Dugtong niini,gipatubag sa Bombo Radyo si Environmental and Management Bureau regional director Sabdullah Abubakar sa isyu apan nagdumili una kini mohatag sa iyang komento.
