Wala pay giisa nga wind signal ang Philippine Atmospheric, Geophysical and Astronomical Services Administration sa STS Nando nga nagpaduol sa kasadpang bahin sa Northern Luzon.
Ning orasa, ang mata sa bagyo anaa sa gilay-ong 760 km East of Tuguegarao City, Cagayan.
Pinakakusog nga dalang hangin sa bagyo muabot sa 100 km/h duol sa sentro ug pag-haguros nga muabot sa 125 km/h.
Naglihok ang dautang panahon sa direksyong Amihana-Kasadpan sa kapaspason nga 10km/h.
Ang Cagayan Valley, Bicol Region, Eastern Visayas, Aurora, ug Quezon makasinati sa pat-ak pat-ak hangtud sa kusog nga ulan, apan dili lahutay, nga dala sa trough sa STS Nando, sulod sa 24 oras.
Ang eastern section sa Luzon matagamtam sa Moderate to Rough nga pagbalod ug adunay pagsaka sa tubig nga muabot sa 1.5 – 2.8 metros.
Ang northern section of Luzon makasinati sa Moderate nga pagbalod kundiin ang tubig musaka sa 1.5 – 2.5 metros.
Samtang ang ubang baybayon sa nasud magbaton sa Slight to Moderate nga pagbalod sa kadagatan o 0.6 – 1.8 meters nga balod, epekto sa bagyo.
Southwest Monsoon ang mupasulabi sa Metro Manila, MIMAROPA, Pangasinan, ug nahibiling bahin sa Central Luzon, ug ubang bahin sa CALABARZON.
Samtang ang Mindanao, apektado sa Localized Thunderstorms.
Ugmang adlawa, ang syudad sa Cagayan de Oro magbaton sa 30-40 percent chance of rain sa buntag paingon sa gabie.
Ang Cebu City adunay 10% o halos walay pag-ulan sa buntag, apan sa hapon anaa sa 48% ang tsansa sa ulan.
Ang Metro Manila – NCR adunay 43% chance of rain sa buntag, ug 33% sa pagkahapon o gabie.
