CAGAYAN DE ORO CITY – Dili muresita ang mga doktor sa mga itumar o haplas nga sex enhancer tablets. Kini ang gitin-aw ni City Councilor Dr. Reuben Daba, co-chairman sa Committee on Health and Sanitation sa interbyu sa Bombo Radyo.
Miingon si Dr. Daba nga dili aprobado sa Food and Drugs Administration ang mga itumar nga sex enhancer busa dili kini luwas.
Hinoon, bisan mapalit ang mga sex enhancer pinaagi sa mga nagkadaiyang botika, mi-abiso si Daba nga mas maayong magpahiling una sa mga doktor aron masuta kon dili ba kini delikado gamiton sa mga lalaki nga nagpangidad 40 pataas ug kadtong naghambin sa diabetes, hypertension ug mga tawong dunay risgo sa stroke ug atake sa kasing-kasing.
