CAGAYAN DE ORO CITY- Pagka-priso sa tulo ngadto pito ka tuig ang atubangon sa tawo nga mi-upload sa sex scandal sa social media diin makita ang paghilawas sa batan-ong magtrato sa usa ka lodging house ning syudad.
Kini bisan nga tinuyo sa maong maghigugmaay nga kuhaa’g video ang ilang paghilawas sa wala mabutyag nga rason.
Si PO1 Shiela Mentopa gikan sa PNP’s Anti-Cybercrime Group miingon nga kasong anti photo and video voyeurism ang mahimo nila nga ipasaka batok sa mga suspek ug mga tawo nga mi-share sa video sa facebook kon manumbong ang mga biktima sa piskalya sa syudad.
May mga report nga nawala ang celphone nga gigamit sa mga biktima hinungdan na-upload ang ilang sex video scandal.
Una niini,kapin sa usa ka minuto ang paghimo’g lawasnong kalipay sa magtrato diin tinuyo nila nga gikuhaa’g video samtang anaa sulod sa lodging house sa syudad.
