CAGAYAN DE ORO CITY -Dili na angay makurat ang city govt kon nganong nangamote kini sa pagsakmit sa Seal of Good Local Governance o SGLG award nga tinuig ihatag sa Department of Interior and Local Government o DILG sa mga syudad palibot sa nasud.
Miingon si kanhi City Mayor Oscar Moreno nga nagsilbi na lang kining pormalidad sa iyang gisulti nga nahiagom sa fiscal mismanagement ang syudad ubos ni City Mayor Rolando ‘Klarex’ Uy.
Siya miingon nga pagmatood kini nga kon nakuha man sa syudad ang maong pasidungog sa miaging tuig,gumikan kini sa mga datos sa milabay’ng administrasyon.
Hisayrang gipamugos si Uy nga pinakaunang higayon nga nakakuha’g SGLG award ang syudad nga wala sukad nahimo sa nanglabay’ng mga mayores.
