CAGAYAN DE ORO CITY – Lagpak nga health program ug minus nga budget allocation spending ang tipik sa basehan kon nganong dili makakuha sa Seal of Good Local Governance o SGLG award si City Mayor Rolando ‘Klarex’ Uy sa mismong administrasyonning tuiga.
Kini ang gibulgar ni kanhi City Mayor Oscar Moreno nunot sa gisulti ni Mayor Klarex nga sulod sa unang termino niini,na-upgrade sa level 2 ang kahimtang sa health services sa city hospital.
Siya miingon nga anaa lang sa giingong 64 porsiento ang nakuha nga grado sa health program sa pagsusi sa SGLG evaluators sa kasamtangang administrasyon.
Namahayag si Moreno nga igo lang nagdawat si Uy sa resulta sa unang mga paningkamot sa city hall nga makab-ot dili lang level 2 apan sobra pa niini nga kahimtang sa serbisyo.
Apan siya miingon nga kon nakakuha sa DILG sanction award sa SGLG ang syudad tuig 2022 gamit ang mga datos sa Moreno administration,makita ang kalainan pag-abot niing tuiga.
Samtang kanunay’ng abli pag-angkon kon dunay kasaypanan aron makat-on si Uy kabahin sa pagpadagan sa mga programa nga punting ang pagserbisyong publiko ning dakbayan.
Kini ang tubag ni Uy sa pahayag ni Moreno sa iyang kapasidad pagdumala sa mga kalihukan sa dakbayan.
Siya miingon nga kon nakaangkon man sa SGLG award ang syudad ,wala niya kini solo nakab-ot apan kuyog sa mga paningkamot sa city hall department managers.
Gisugyot ni Klarex nga dili na lang magpalusot apan angkonon ni Moreno nga sulod sa iyang siyam ka tuig nga pagka-mayor wala makakuha ang syudad sa SGLG ug napasagdan ang pagdumala sa city govt hospital sa syudad.
