CAGAYAN DE ORO CITY – Gihangyo sa city govt ang Department of Interior and Local Government o DILG central office nga mahatagan sa konsiderasyon sa ilang wala pagtunol pasidungog sa Cagayan de Oro-local govt unit isip kabahin sa awardee sa Seal of Good Local Governance o SGLG ning tuiga.
Kini human giduso sa konseho ang resolution no. 20-2024 nga nag-aghat sa DILG nga hatagan sila’g kopya aron masuta ang basehan kon nganong lagpak ang syudad sa maong pasidungog.
Gipangunayan pagdason ni Kag. Edgar Cabanlas inabagan ni Kag. Romeo Calizo ug mga kauban sa mayoriya ang resolusyon nga nagtumong alang niini.
Hinoon,gisulti ni Cabanlas nga nawala sa listahan ang Cagayan de Oro ning tuiga tungod sa isyu sa peace and order nga giingong wala makakuha sa passing marking points.
Sa tuig 2023,nakakuha sa maong pasidungo ang dakbayan ubos sa pagdumala ni City Mayor Rolando ‘Klarex’ Uy.
Sa pagkutlo ning balita, wala pa’y direktang tubag si Uy kabahin sa gidangatan sa dakbayan sa SGLG quest.
