CAGAYAN DE ORO CITY-Patay ang laing suspected pusher dihang giingong misukol sa anti-illegal drug buy bust operation sa lungsod sa Opol,Misamis Oriental.
Giila ni Opol Police Station commander C/Insp Evary Bacunawa ang suspek nga si Omar Sultan Cayamola,41 anyos ug nagpuyo sa maong lugar.
Miingon si Bacunawa nga samtang nakig-transaction ang mga kauban nila nga pulis sa suspek,nagpakita kini sa pagsukol hinungdan napusilan ug dali gidala sa ospital.
Apan dead on arrival na kining naatiman sa mga doktor dihang nadala sa ospital.
Narekober sa crime scene ang pipila ka suspected shabu ug 38 kalibre nga armas.
Nasuta usab sa PNP nga nalambigit sa daghang kremin ang suspek.
