CAGAYAN DE ORO CITY – Nadakpan sa ikatulong higayon ang gikaintapang tigpamaligya sa gitoohang shabu nga dugay nang naglihok sa Zone 6,Brgy Sugbongcogon,Tagoloan,Misamis Oriental kagabii.
Giila sa Tagoloan Police Station operatives ang dinakpan nga si alyas Bambam,43 anyos kuyog sa iyang live-in partner nga si alyas Rose diin sila nakuhaan sa 300 gramos sa gitoohang shabu nga nagkostar sa halos 2 milyone pesos.
Namaayag ang PNP-Tagoloan nga maoy nakompiskar ang pila ka sachets diin nagbaton sa gitoohang shabu,buy bust money ug ubang paraphernalia.
Mipalag pa si Bambam kay naghinobra ang gihimong planting evidence sa mga pulis kay dili daw kadto iya ang tanang mga nakompiskar nga droga.
Apan pagpangutana usab sa kapolisan kang Rose,giangkon niini nga binuhatan nila ni Bambam ang maong kalihukang illegal.
Dumduman nga napriso si Bambam tuig 2014 ug nakagawas pag-abot 2020 ug nagbalik na usab hinungdan nasignit ning semanaha lamang.
Kasuhan ang duruha sa pagsupak sa Comprehensive Dangerous Drugs Act of 2002 diin sila nadakpan sulod sa gisak-an nila nga kuwarto.(Photo: Cyril Cambalon Jr).
