Gihikay na sa production team ni Colombian pop superstar Shakira ang laing petsa sa iyang world tour show didto sa Lima, Peru.
Kini human pakyas makahimo sa iyang performance ang pop superstar kay wala tugti sa iyang doctor ug gi-rekomendar nga magpahulay na lamang una.
Una nang nakanselar ang pasundayag niini ngadto sa iyang fans tungod sa kalit nga pagpanakit sa tiyan.
Kini ang raso nga paspas gidala sa ospital ug gitambagan sa iyang doctor nga magbaton sa igong oras sa pagpahulay.
