CEBU CITY – Gikasubo sa mga atleta sa Western Visayas ang palpak nga sukod sa track and field oval sa Cebu City Sports Complex.
Kini human migasto sa minilyong salapi ang local government unit sa Cebu aron ma-renobar ang 30 anyos nga oval, apan,nasapon sa 2024 Palarong Pambansa organizers nga kulang sa dos metros ang 400 meter run.
Unang namahayag si Track and Field Athlete Mico Villaran nga sayang ang ilang gihimong preparasyon ug ang sponsorship nga gibubo kanila aron makasalmot sa tinuig nga Palaro.
Sa gilusad nga press conference, namahayag si Department of Education Assistant Secretary Francis Cesar Bringas nga dunay gi-hire ang ahensya, isip third party investigators aron sutaon kung matuod ba nga “short” sa dos metros ang 400 meters World Athletic’s standard track distance.
Kung mapamatud-an sa Philippine Athletics Track and Field Association nga kulangan sa duha ka metros ang track oval, walay edeklarar nga mga mananaug ang DepEd ning tuiga.(Bombo Anne Quileste).
