CAGAYAN DE ORO CITY-Patay sa pagpamusil ang usa ka sibilyan sa wala matumbok nga rason sa Purok 9,Brgy San Carlos,Valencia City,Bukidnon kagahapong adlawa.
Giila ang biktima nga si Jose Cabususog,hingkod ang panuigon ug residente sa maong dapit.
Gibutyag ni PNP regional spokesperson Supt Lemuel Gonda nga kalit lamang mibutho ang motorcycle in tandem suspects ug gilayong pusil sa biktima.
Naigo sa ulo ang biktima hinungdan sa kamatayon niini.Nakuha sa crime scene ang kapsula sa kalibre 45 nga armas.
Nag-imbestigar pa ang kapolisan sa pag-ila sa mga suspek ug sa motibo sa pagpatay niini sa biktima.
