CAGAYAN DE ORO CITY- Peligro ang kahimtang sa usa ka sibilyan nga gipusil gamit ang giingong baby armalite rifle sa lungsod sa Balangiao,Misamis Occidental.
Kini human nadala ang biktima nga si Casanillo Quilat,32 anyos,balo ug nagpuyo sa maong dapit sa Northern Mindanao Medical Center tungod sa daghang samad nga naangkon niini sa kalawasan.
Padulong mag-bilar ang biktima sa namatay’ng higala niini sa dihang misugat ang lima ka wala mailang suspek diin bitbit ang armas ug gilayong rapido kaniya.
Nahiagom sa 10 ka igo si Quilat diin lima sa li-og,tag-duha sa bukton ug abaga ingon sa iyang kilid.
Dili pa masuta sa mga otoridad kon unsay motibo sa pagpusil sa maong biktima.
